ஒளரங்கசீப் அகண்ட பாரதத்தை கட்டி அரசாண்ட ஏழை

 يَٰدَاوُۥدُ إِنَّا جَعَلْنَٰكَ خَلِيفَةً فِى ٱلْأَرْضِ فَٱحْكُم بَيْنَ ٱلنَّاسِ بِٱلْحَقِّ وَلَا تَتَّبِعِ ٱلْهَوَىٰ فَيُضِكَ عَن سَبِيلِ ٱللَّهِ ۚ إِنَّ ٱلَّذِينَ يَضِلُّونَ عَن سَبِيلِ ٱللَّهِ لَهُمْ عَذَابٌ شَدِيدٌۢ بِمَا نَسُواْ يَوْمَ ٱلْحِسَابِ

ஆட்சியதிகாரத்திலிருக்கிற ஒவ்வொருவரும் கடைபிடிக்க வேண்டிய வழிமுறை இது.

மனம் போனபடி நடக்கவோ பேசவோ கூடாது. அது வரலாற்றில் அவரை வழிதிருப்பி விடும். அது நாட்டை தவறான வழிக்கு இட்டுச் செல்லும்.

துரதிஷ்ட வசமாக நமது பிரதமர் அப்படி நடந்து கொண்டுவிட்டார். அல்லாஹ் அவருக்கு நேர்வழி காட்டட்டும்.

நம்முடைய பிரதமர் மாண்புமிகு மோடி அவர்கள் உத்திரப் பிரதேசத்தின் வாரணாசியுலுள்ள காசி விசுவநாதர் ஆலயத்தின் புதுப்பிக்கப் பட்ட பகுதியை திறந்து வைத்து பேசுகிற தேவையற்று முஸ்லிம் மன்னர் அவுரங்கசீப்பை  வம்புக்கிழுத்துள்ளார். ஒரு கிருத்துவ வைஸ்ராயையும் அவர் விட்டு வைக்க வில்லை. சுமார் கோடி ரூபாய் செலவில் ஆலய வளாகம் புதுப்பிக்கப் பட்டுள்ளது.

அந்த நிகழ்ச்சியில் அவர் பேசுகிறார்.

காசி என்ற இந்த புண்ணிய பூமி பல சரித்திரங்களை பார்த்துள்ளது. முகலாய மன்னர் அவுரங்கசீப் இந்தக் கோவிலை தரைமட்டமாக்கி மசூதி கட்ட நினைத்தார். அவரை ஒடுக்க சத்ரபதி சிவாஜி உருவானார்.முஸ்லிம் ஆக்கிரமிப்பாளர் சலார் மசூத் இந்த நகரை சூறையாட முயன்றார். ராஜா சுகல்தேவ் தோன்றி, அவரை அடிபணிய வைத்தார்.

நாட்டிலுள அனைத்து மக்களுக்கும் பிரதமரான அவர் இந்தியாவின் ஒரு புகழ் பெற்ற கோயில் நிகழ்ச்சியில் இந்திய மக்களை இணைக்கும் வகையில் பேசியிருக்க வேண்டும். அவரது பதவிக்கு அது தான் மரியாதை.

வரலாற்றில் நல்ல விசயங்களும் உண்டு. தீய விசயங்களும் உண்டு. மோடியின் வாழ்கையே கூட அப்படித்தான் . ஒரு குற்ற வாளியை நிராகரிப்பது போல அமெரிக்க அரசு ஒரு மாநில முதல்வராக இருந்த மோடிக்கு விசா தர மறுத்த காலம் உண்டு. அதையே இப்போதும் அவர் பேசிக் கொண்டிருப்பாரா ?

ஆனால் உத்தரப்பிரதேசத்தில் சமூபத்தில் நடக்க இருக்கிற சட்ட மன்ற தேர்தலை மனதில் வைத்து மக்களை பிளவு படுத்தி இலாபம் காணும் நோக்கில் ஒரு மலிவான உத்தியாக அவுரங்கசீப்பை பிரதமர் வம்புக்கு இழுத்திருக்கிறார்.

உண்மையில் இது அவுரங்கசீப் என்ற ஒரு தனி நபரை இழிவுபடுத்துவதல்ல, இந்தியாவிலிருந்க்கிற முஸ்லிம் சமூகத்திற்கு எதிரான வெறுப்புணர்வை விதைக்கும் ஒரு செயலாகும்.

ஆனால் இந்த நேரம் அவுரங்கசீப்பின் பெருமைகளை பேசுவதற்கு ஒரு வாய்ப்பை தருகிறது என்பது மட்டுமல்ல காசி விசுவநாதர் ஆலயத்தில் அவுரங்கசீப்பின் பங்கு என்ன என்பதையும் அறிந்து கொள்ள வாய்ப்பை தருகிறது.

இந்தியாவை ஆட்சி செய்த மன்னர்களில் நிகர் சொல்ல முடியாத ஒரு பெரும் மன்னர் ஆவார் அவுரங்கசீப்

மாண்புமிகு மோடி இப்போது பிரதமராக இருக்கிற நிலப்பரப்பை விட பெரிய நிலப்பரப்பு அவுரங்கசீப்பினுடையது.

காபூலில் இருந்து தமிழகத்தின் செங்கல்பட்டு வரை அவரது அரசு விரவி இருந்தது.

இன்றைய ஆப்கானிஸ்தான் பாகிஸ்தான் பங்களாதேஷ் ஆகிய அகண்ட பாரதம் என்பது அவுரங்கசீப்பின் காலத்தில் தான் வரலாற்றில் முதல் முறையாக ஒரு ஆட்சிக்கு கீழே வந்தது. அவர் தான் இந்தியாவை ஒரு சாம்ராஜ்யமாக முதலில் ஆட்சி செய்தவர்.

மாண்புமிகு பிரதமர் மோடியும் அவரது கூட்டாளிகளும் அகண்ட பாரத்ததை கனவு காண்கிறார்கள். ஆனால் நிஜத்தில் இந்த நிலப்பரப்பை தனது தனிப்பட்ட திறனால் ஆட்சி செய்தவ அவுரங்கசீப்

அவர் ஆட்சி செய்த காலம் எவ்வளவு தெரியுமா

48 ஆண்டுகள்! அதாவது சுமார் அரை நூற்றாண்டு காலம் இந்தப் பரந்து பட்ட நிலப்பரப்புக்கு அவர் பேர்ரசராக இருந்திருக்கிறார்.

அவரை சிவாஜி ஒடுக்கினார் என்கிறார் பிரதமர்.

சிவாஜி நம் நாடு  கண்ட ஒரு பெரு வீர்ர். தனிப்பட்ட வீரத்தாலும் தீரத்தாலும் தனது அரசை காத்தவர்.

அவுரங்கசீப்பிடமிருந்து அவர் மிக தீரமாக தப்பினார் என்பது வரலாறு. அதுவெல்லாம் சரி!

சிவாஜி எவ்வளவு பெரிய நிலப்பரப்பை கையில் வைத்திருந்தார். எத்தனை காலம் ஆட்சி செய்தார் என்பதை எல்லாம் மக்களுக்கு தெரியாது . அதனால் மக்கள் இந்த ஒப்பீடு சரியா என்றெல்லாம் யோசித்துக் கொண்டிருக்க மாட்டார்கள் என்று நினைத்து விட்டார்.

உண்மை தான் பொதுமக்கள் அதிலும் குறிப்பாக இந்துத்துவ போதை ஊட்டப்பட்டிருக்கிற மக்கள் எதையும் சிந்திக்க மாட்டார்கள் தான்

ஆனால் வரலாறு அப்படி இருக்காதே ! அது உண்மையை பேசிக் கொண்டு தானே இருக்கும்.

அவுரங்க சீப்புக்கும் சிவாஜி குடும்பத்திற்கும் இருந்த நல்லுறவை வரலாறு பேசுகிறது.

சிவாஜியின் மகன் சம்பாஜிக்கு அரசப் பதவி வழங்கி அவருக்கு ராஜா பட்ட்த்தை அவுரங்கசீப் வழங்கினார் என்று வரலாறு சொல்கிறது.

அவுரங்கசீப் இறந்த பிறகு அவரது சமாதிக்கு சென்று மரியாதை செய்யும் பழக்கம் சிவாஜியின் பேரர்  சாஹுவுக்கு இருந்தது என்பதும் வரலாறு.

ஒரு நேரத்தில் ஒரு சிறு நிலப்பரப்பின் மன்னராக இருந்த சிவாஜிக்கும் பேரரசராக இருந்த சிவாஜிக்கு பிரச்சனை இருந்தது. ஆனால் அதை தனது பண்பால் மாற்றி நடபாக்கிக் கொண்டவர் அவுரங்க சீப்.

சிவாஜியை மட்டுமல்ல. இந்தியாவிலிருந்த பல நூற்றுக்கணக்கான இந்து சிற்றரசர்களும் மன்னர்களும் அவுரங்கசீப்பின் தோழமையில் இருந்தார்கள்.

அப்படி இருந்ததால் தான் இவ்வள்வு பெரிய நிலப்பரப்பை ஒரு குடையின் கீழ் அவரால ஆள முடிந்தது.

இந்தியா என்பது ஒரு இராணுவத்தால் அடக்கி ஒடுக்கி விடு முடிகிற அளவு சின்ன நாடல்ல. முகலாய மன்னர்கள் எவரிடமும் ஒரு செங்கிஸ்கானை போல் மிகப் பெரும் படை இருந்தாகவும் வரலாறு இல்லை.

தங்களது நீதி வழங்கும் முறை நிர்வாக திறமை ஆகியவற்றால் இந்து குறுநில மன்னர்கள் இந்து அதிகாரிகளின் துணையுடனேயே முகலாயர்கள் ஆட்சி செய்திருக்கிறார்கள்.

காசி விசுவநாதர் ஆலயத்தை அவுரங்கசீப் இடித்தார் என்று பலரும் மிக  பேசுகீறார்கள்.

ஆனால் ஏன் இடித்தார் என்பதையும் பேசுவதில்லை. திரும்ப அதை அவர்தான் கட்டிக் கொடுத்தார் என்பதையும் சொல்வதில்லை/

அவுரங்கசீப் ஒரு பயணத்தில் இந்து சிற்றரசர்களோடு வாரணாசி அதாவது காசி வழியாக சென்றார். அப்போது அவருடன் இருந்த மன்னர்கள் காசி விசுவநாதர் கோயிலைப் பற்றி சொல்லி அதை தரிச்க்க விரும்புவதாக கூறினர் . அவர்களின் கோரிகையை ஏற்று படைகளை அங்கே நிறுத்தி விட்டு ஆலய தரிசனத்தை முடித்து விட்டு வருமாறு அவுரங்கசீப் கூறினார்.  சிற்றரசர்களும் அவர்களது மனவியரும் பெண்களுக்கு சென்றனர். எல்லோரும் திரும்பி விட்டனர். ஒரு இளவரசி மட்டும் திரும்ப வில்லை. தேடிப்பார்த்த போது அவள் ஆலயத்திற்குள் ஒரு நிலவரையில் ஒரு பூசாரியால கற்பழிக்கப் பட்டு கொலை செய்யப் பட்டு கிடந்தாள். அப்போது அந்த ஆலயம் தீட்டுப் பட்டு விட்தாக கூறிய மன்னர்கள் அதை இடித்து விட்டு நிலவறைகள் இல்லாமல் கட்ட் வேண்டும் என்று கூறினர். அவுரங்கசீப் அவர்களின் கோரிக்கைகு ஏற்ப கோயிலை இடித்து கட்டுமாறு கூறினார்.

இதுதான் வரலாறு.

இப்படி இந்துக்களோடு நெருக்கமான உறவு கொண்டு பரந்த இந்தியாவை ஆட்சி செய்தவர் தான் அவுரங்கசீப். 50 ஆண்டுகள்

அவுரங்கசீப் வெளிநாட்டிலிருந்து வந்தவரல்ல. சாட்சாத் நமது மாண்புமிகு பிரதமர் மோடி அவர்கள் பிறந்த அதே குஜராத்தில் பிறந்தவர்.

Aurangzeb was born on 4 November 1618, in Dahod, Gujarat. He was the third son and sixth child of Shah Jahan and Mumtaz Mahal

 

என்று குறுகிறது விக்கீபீடியா!

அவுரங்கசீப்பின் பெயர் முஹ்யித்தீன் என்பதாகும்.

இளமையிலே பெரிய வீர்ர்.

1633 ல் நடைபெற்ற ஒரு நிகழ்வில் ஒரு போர் யானை அவரை துரத்தியது. அதற்கு நேரே நின்று போராடி அதன் தும்பிக்க்கயை ஈட்டியால் குத்தி அந்த யானையை அடக்கினார்.. அதனால் அவருக்கு பகாதுர் என்ற பட்டம் கிடைத்தது. அவரது எடைக்கு நிகரான தங்கத்தை அவரது தந்தை அன்பளிப்பாக கொடுத்தார்.

அவுரங்கசீப் ஆட்சிக் காலம் 1658. 1707 வரையாகும்.

·         காபுலில் இருந்து தமிழ்நாடு வரை

·         1698-பிப்ரவரி 7-இல், அவுரங்கசீப்பின் தளபதி, சூல்பிகார் கான் தமிழகத்தின் செஞ்சியை வென்றார்.

·         இந்தியாவை ஒருங்கிணைத்து, திறம்பட ஆட்சி செய்த முதல் பேரரசர் ஆவார்.

·         49 ஆண்டுகள் இறக்கும் வரை ஆண்டவர்

·         இந்தியாவை ஒருங்கிணைந்த முதல் பேரரசர் என்ற வரலாற்றுப் புகழை அடைந்தார்.

அவுரங்கசீப் மார்க்கப் பற்றுமிக்கவர்     

பள்ளியில் பஜ்ரு முதல் இஷா வரை ஜமாத்தாக தொழுவார் வாரத்திற்கு மூன்று நாள் நோன்பு

ரமலானின் பிற்பகுதியில் உலமாக்களுடன் திக்ரில் ஈடுபடுவார்.

இறுதிப் பத்தில் இஃதிகாப் – பள்ளிவாசலிலேயே தஸ்தாவேஜுகளில் கையொப்பம் இடுவார்.

பல ஷைகு மார்களுடன் அவர் தொடர்பை வலிந்து ஏற்படுத்திக் கொண்டார்.

ஷைகு ஸைபுத்தீன் ஸர்ஹிந்தியுடன் தொடர்பில் இருந்தார்.

தமிழகத்தை சேர்த ஸதகதுல்லாஹ் அப்பாவுடன் தொடர்பு வைத்திருந்தார்.

RC majumdar +  Dr hcRray chowdri  இருவரும் எழுதிய  an advance history of india  கூறுகிறது/

Once durig the balk campign he knelt down to finish his prayer at the praper time though the figting was going on all around him.

ஒரு முறை பல்க் யுத்த்தின் போது பல்க் நாட்டின் படக்‌ஷான் மன்னர் = அப்துல் அஸீஸ் கான், அவுரங்கசீப் தன்னைச் சுற்றி யுத்தம் நடந்து கொண்டிருக்கிற போது யானையின் நிழலில் தொழுவதை பார்த்தார். இத்தகைய மனிதரோடு போர் செய்வது அழிவை தேடிக் கொள்வதேயன்றி வேறில்லை. என்று கூறி போரை முடிவுக்கு கொண்டு வந்தார்.

வரலற்று ஆசிரியர்கள் அவுரங்கசீப்பை பற்றி என்ன சொல்கிறார்கல் தெரியுமா ?

·         50 ஆண்டு கால ஆட்சியில் இந்துக்கள் மீது ஒரு கொடும் செயல் கூட் செய்த்தில்லை. அநீதி இழைக்க வில்லை. லேன் பூல் மிகப்பெரும் வரலாறு அறிஞர்.

·         மத்த்தின் காரணமாக இந்துக்கள் துன்புறுத்தப் பட வில்லை. அவர்கள் விரும்பிய வண்ணம் தமது கட்வுளர்களை -வணங்கினர். – அலக்ஸாண்டர் ஹாமில் டன்.

அவுரங்கசீப் பல தீய நடைமுறைகளை தடை செய்தார்.

அது இந்துக்களில் இருந்த போதும் முஸ்லிம்களில் இருந்த போது.

·         சதியை தடை செய்தார்.

·         தசரா பண்டிகையில் நடை பெற்ற சில வற்றை தடுத்தார்.

·         ஷியாக்களின் தாபூத் உர்வலத்தையும் தடை செய்தார்.

அவுரங்கசீப் இந்துக்களை மதித்தார். அவர்களுடன் நட்புறவே கொண்டிருந்தார் என்பது ஆதாரங்களின் அடிப்படையில் வெளிப்படும் செய்திஹ்

·         காசி கோயிலுக்கு – பெரிய பண்ணை சொத்துக்களை  அன்பளிப்பு செய்தார். அதற்கான  பட்டயம் கோயில் இருக்கிறது, அதே போல காஷ்மீரில் பல  கோயில்களுக்கும்.

·         குஜராத்திலுள்ள  சமண் கோயில்களுக்கு வரி விலக்கு அளித்தார்

·         மாதா கோயில் கட்டிக் கொள்ளவும் அனுமதித்தார்

மக்களோடு அவுரங்கசீப்

தடி ஊன்றிய நிலையில் புகார் மனுக்களை தானே கண்ணாடியின்றி படித்து நேரடியாக உத்தரவிடுவார்

எளிய வாழ்கை

இன்று நமது மாண்புமிகு பிரதமர் இலட்ச ரூபாய்க்கு கோட் அணிகிறார்.

ஆனால் அகண்ட இந்தியாவின் சகரவர்த்தி அவுரங்கசீப்

மேலங்கி 10 ரூபாய் மதிப்பில் தான் இருந்தது  என்கிறது வரலாறு

வெள்ளிக்கிழமை மட்டும் இறைச்சி சாப்பிடுவார் என்று அவரது உணவு பழக்கத்தை வரலாறு பதிவு செய்கிறது.  

அவரங்கசீப்பின் பெருமைய தமிழ் விக்கியா பீடியா கூறுகிறது.

’ஆலம்கீர்’ எனில் பெர்சிய மொழியில் ‘பிரபஞ்சத்தை வெல்லப் பிறந்தவன்’ என்று பொருள். 1695ல் அவுரங்கசீபை நேரில் பார்த்த இத்தாலியைச் சேர்ந்த பயணி ’கேர்ரி’ என்பவர் எழுதியுள்ள குறிப்புகளின்படி அவுரங்கசீப் அதிக உயரம் இல்லை

. அவரது மூக்கு பெரியது. கொஞ்சம் ஒடிசலான உடல்வாகு. எளிமையான தோற்றம். ‘நிக்கோலா’வின் கூற்றுப்படி, அவுரங்கசீப் தலைப்பாகையில் ஒரே ஒரு கல் மட்டும் தான் பொருத்தப்பட்டிருக்கும். அதிக அலங்காரங்கள் கிடையாது. பெரும்பாலும் வெள்ளை நிற உடைகளையே அணிவார். அவையும் விலை உயர்ந்தது இல்லை.

“ஆலம்கீரின் சொந்தவாழ்க்கை மிக எளிமையானதாகும். தன்னை எப்பொழுதுமே கடவுளின் அடிமையாக பாவித்துக்கொண்டார். இஸ்லாத்தினை நன்றாகக் கடைபிடித்த ஒரே முகலாயமன்னர் இவர் மட்டுமே. எந்த சூழ்நிலையிலும் ஐந்து வேளையும் தொழத் த‌வறியதில்லை அரசு கஜானாவை தனது சொந்த செலவிற்கு இவர் பயன்படுத்தியது கிடையாது. தனக்காக ஆடம்பரச் செலவில் மாளிகைகள் கட்டியது இல்லை.

1707ம் ஆண்டு வெள்ளிக்கிழமை ஃபஜ்ர் (அதிகாலை) தொழுகையை நிறைவேற்றிவிட்டு கலிமாவை (இஸ்லாமிய மூலமந்திரம்) உச்சரித்த வண்ணம் ஔரங்கசீபின் உயிர் பிரிந்தது. அவர் உண்மையில் எப்படிப்பட்டவர் என்பதை அவருடைய உயில் காட்டுகிறது:

நான் என் கையால் செய்து விற்ற தொப்பிகளுக்கான பணம் நான்கு ரூபாய்களும் இரண்டு அனாக்களும் ஆய்பேகா என்னும் நபரின் வசம் உள்ளன. அதைக்கொண்டு என்னுடல் மீது போர்த்தவேண்டிய கஃபன் துணியை வாங்கிக்கொள்ளுங்கள்.

தன் கையால் திருக்குர்ஆனை எழுத்துப்பிரதி எடுத்து விற்றதன் மூலம் கிடைக்கப்பெற்ற‌ முன்னூற்று ஐந்து ரூபாய்கள் என் வசமுள்ளன. நான் இறக்கும் அன்று அந்தப் பணத்தை ஏழைகளுக்கு தானமாகக் கொடுத்துவிடுங்கள். (முகலாயர்கள், நூலாசிரியர் -முகில், பக். எண் 307-312).

என் தலையை எதைக்கொண்டும் மூடாமல் திறந்து வைத்துவிடுங்கள். இறைவன் எனக்கு கருணை காட்ட அது உதவும்.

என் உடலை அருகில் உள்ள இடுகாட்டில் ஆடம்பரங்கள் ஏதுமின்றி அடக்கம் செய்யுங்கள்.

அவரது உடல் தொளலதாபாத் ஷைகு புர்கானுத்தீன் ஷாஹ் ஜர்தி ஜர்பக்ஸ் பக்கத்தில் அடக்கம்.

இந்தியாவில் பிறந்து இந்தியாவை நேசித்து இந்தியாவிற்கு நீதி மிக்க ஆட்சி வழங்கிய பெருமகன் அகண்ட இந்தியாவை ஒரு ஏழையாக ஆட்சி செய்த பெருமகன் அவுரங்க சீப்

எல்லாவற்றிற்கும் மேலாக தவறான பிரச்சாரங்களின் அடிப்படையில் எப்படியாவது ஆட்சியதிகாரத்தை நிலை நாட்டிக் கொள்ள வேண்டும் என்று நினைத்தவரல்ல. ஒரு ஃகீராக இறை நேசராக வாழ்ந்து அப்படியே மரணிக்க வேண்டும் என்று ஆசைப்பட்டவர் அவுரங்கசீப்.

அவரை வம்புக்கிழுப்பதை நமது பிரதமர் தவிர்த்திருக்க வேண்டு. இந்திய மக்களை இணைக்கிற செய்திகளை அவர் பேசியிருக்க வேண்டும்.