காங்கிரஸ் கூட்டணிக்கு வாக்களிப்போம்- ஜமாஅத்துல் உலமா கோரிக்கை .

وَلَا يَأْبَ الشُّهَدَاءُ إِذَا مَا دُعُوا

எதிர்வரும் வியாழக்கிழமை தமிழகத்தில் நாடாளுமன்ற மக்களவைக்கான தேர்தல் நடை பெற இருக்கிறது.

இஸ்லாமை பொருத்தவரை தேர்தலில் வாக்களிப்பது என்பது ஷஹாதத் எனும் சாட்சி சொல்வதற்கு ஒப்பானதாகும். தேவையான இடங்களில் சாட்சியை நிறைவேற்றுவது கடமையாகும்.

அல்லாஹ் கூறுகிறான்.

وأقيموا الشهادة لله

وَلَا يَأْبَ الشُّهَدَاءُ إِذَا مَا دُعُوا

عن زيد بن خالد الجهني - رضي الله عنه - أنه سمع رسول الله - صلى الله عليه وسلم - يقول: " خير الشهداء من أدى شهادته قبل أن يسألها –  ترمذي

நம்மை தேடி ஆட்கள் வந்து வாக்கு கேட்க யாரும் வராவிட்டாலும் கூட  நாம் தேடிச் சென்று வாக்களிப்பது கடமை

இந்த நபி மொழிக்கு இமாம நவவி அவர்கள் தருகிற விளக்கத்தை கவனித்துப் பாருங்கள்

 قال النوويوفي المراد بهذا الحديث تأويلان أصحهما وأشهرهما أنه محمول على من عنده شهادة لإنسان بحق ولا يعلم ذلك الإنسان أنه شاهد فيأتي إليه فيخبره بأنه شاهد له ،

ஆனால் இப்போது அரசு  வாக்களிக்க வருமாறு மக்களை அழைக்கிறது. விடுமுறை அளிக்கிறது. தேவையான ஏற்பாடுகளை செய்கிறது. வாக்குப்பதிவு மையங்களில் படி ஏற முடியாதவர்களுக்காக சாய்தள பாதைகள் ஏற்பாடு செய்யப்பட்டிருப்பதாகவும்,  சக்கர நாற்காலிகளும் அவற்றுக்கான பணியாளர்களும் கூட நியமிக்கப்பட்டிருப்பதாகவும் , பேச முடியாத காது கேளாதவர்களுக்கு சைகை முறையில் தேவையான முறையில் விளக்கங்கள் தரவும் ஏற்பாடு செய்யப்பட்டிருப்பதாக  தேர்தல் அதிகாரிகள் கூறி ஓட்டுப்போட வருமாறு மக்களை அழைக்கின்றனர். இந்த தேர்தலில் புதுச்சேரி மாநிலத்தில் பெண் அலுவலர்கள் மட்டுமே பணியாற்றும் வாக்குச்சாவடிகள் அமைக்கப் பட்டிருப்பதாகவும் அதிகாரிகள் கூறுகின்றனர்.

சாட்சியளிக்காமல் இருப்பது பாவம் .

لَا تَكْتُمُوا الشَّهَادَةَ ۚ وَمَن يَكْتُمْهَا فَإِنَّهُ آثِمٌ قَلْبُهُ ۗ وَاللَّهُ بِمَا تَعْمَلُونَ عَلِيمٌ (283

நேர்மை தவறக்கூடாது.

பணம் பெறுதல், பக்கச் சார்பு, இயக்க சார்பு, குடும்பச் சார்பு இருக்கக் கூடாது.

நல்லாட்சியை நிலைநாட்டுவதற்கான சாட்சியை வழங்க வேண்டும்.

இரண்டுமே தீயதெனில் பாதிப்பு குறைவான தீமையை தேர்ந்தெடுத்து வாக்களிக்க வேண்டும்.

வீணாகும் என்று தெரிது வெற்றி பெற வாய்ப்பற்றவருக்கு வாக்களிப்பது வாக்கை வீணடிப்பதாகும்.

இப்போது நடை பெறுகீற தேர்தல் மிக முக்கியமானதாகும்.

காட்டில் வாழும் புலியை ஆங்கிலத்தில் டைகர் என்பார்கள். அதே புலி மனித இரத்தத்தை சுவைத்து விட்டால் அதை மேன் ஈட்டர் என்பார்கள். அதற்குப்பிறகு அது மனிதனத்தான் சாப்பிடும். எனவே மேன் ஈட்டர்களை சுட்டுக் கொன்று விடுவார்கள்.

இப்போது ஆட்சியில் இருக்கீற பாஜக அரசு மான் ஈட்டர் என்று சொல்லத் தக்க அளவில் மக்கள் விரோத அரசாக இருக்கிறது, இந்த அரசு தொடருமானால் நாட்டில் ஜனநாயகம் செத்துப் போய்விடும்.  எனவே இப்போது ஆட்சியில் இருக்கிற பாஜக அரசு உடனடியாக அகற்றப் பட்டாக வேண்டும். அது நீதியை நிலைநாட்டப் பாடுபடும் ஒரு முயற்சியாகும்.

என்வே இப்போதைய தேர்தலில் வாக்களிப்பது ஒரு ஜனநாயக் கடமை என்ற வகையில் மட்டும் அல்லாது பாசிச பாஜக அரசின் அநீதிகளிலிருந்து நாட்டை காக்க வேண்டியது அவசியம் என்ற வகையிலும் இந்த தேர்தலில் வாக்களிக்கக வேண்டியது அதிகப்பட்ச கடமையாகிறது. இது வெறும் தேர்தல் மட்டுமல்ல நீதியை நிலைநாட்டுவதற்கான ஒரு போராட்டமாகும்.

தீய ஆட்சியாளர்களுக்கு எதிரான போராட்டத்தை நபிகள் நாயகம் (ஸல்) அவர்கள் வலியுறுத்தியுள்ளார்கள்.

وقال صلى الله عليه وسلم: «ألا إنها ستكون بعدي أمراء يظلمون ويكذبون فمن صدقهم بكذبهم ومالأهم على ظلمهم فليس مني ولا أنا منه، ومن لم يصدقهم بكذبهم ولم يمالئهم على ظلمهم فهو مني وأنا منه» (حسن لغيره صحيح الترغيب والترهيب).

وعن عبد الله بن خباب خرج علينا النبي صلى الله عليه وسلم فقال: «إنه سيكون بعدي أمراء فلا تصدقوهم بكذبهم ولا تعينوهم على ظلمهم، فإن من صدقهم بكذبهم وأعانهم على ظلمهم لم يرد على الحوض» (صحيح لغيره صحيح الترغيب والترهيب).  

قال صلى الله عليه وسلم: «من أعان ظالمًا بباطل ليدحض بباطله حقا فقد برئ من ذمة الله عز وجل وذمة رسوله» (

நமது முன்னோர்கள் அநீதிக்கு எதிராக துணிவு மிக்க செயல்பாடு கொண்டவர்களாக இருந்தார்கள்.

وروي أن حطيطًا الزيات جيء به إلى الحجاج، فلما دخل عليه قال: أنت حطيط؟ قال: نعم، سل عما بدا لك، فإني عاهدت الله عند المقام على ثلاث خصال: إن سُئلت لأصدقن، وإن ابتليت لأصبرن، وإن عوفيت لأشكرن. قال: فما تقول فيًَّ؟ قال: أقول إنك من أعداء الله في الأرض، تنتهك المحارم وتقتل بالظِّنَّة

அப்பாஸிய சக்ரவர்த்தியை எதிர்த்த சுப்யான் அஸ் ஸவ்ரீ ரஹ்

وعن سفيان الثوري قال: أُدخلت على أبي جعفر المنصور بمنى، فقال لي: ارفع إلينا حاجتك. فقلت له: اتق الله، فقد ملأت الأرض ظلمًا وجورًا. قال: فطأطأ رأسه ثم رفعه، فقال: ارفع إلينا حاجتك. فقلتُ: إنما أُنزلت هذه المنزلة بسيوف المهاجرين والأنصار، وأبناؤهم يموتون جوعًا، فاتق الله وأوصل إليهم حقوقهم. فطأطأ رأسه ثم رفعه فقال: ارفع إلينا حاجتك. فقلت: حج عمر بن الخطاب رضي الله عنه، فقال لخازنه: كم أنفقت؟ قال: بضعة عشر درهمًا، وأرى ها هنا أموالاً لا تطيق الجمال حملها.. وخرج.

எனவே இந்த தேர்தலில் ஜனநாயக கடமை என்று மட்டும் அல்லாத அநியாயக்கார அரசை வீட்டுக்கு அனுப்ப , நியாயத்தை நிலைநாட்ட

நூறு சதவீதம் வாக்களிக்க வேண்டியது நம்முடைய கடமையாகும்.

நம்முடைய பெண்கள், இளைஞர்களை வாக்களிக்க தூண்ட வேண்டும். யாருக்கு வாக்களிப்பது , எந்த சின்னத்தில் வாக்களிப்பது எப்படி வாக்களிப்பது போன்ற விவரங்களை சொல்லிக் கொடுக்க வேண்டும்.

இந்த முறை தேர்தலில் விவி பாட் எனும் ஒரு இயந்திரம் புதிதாக அறிமுகப் படுத்தப் பட்டுள்ளது.  ஓட்டுப் பதிவு இயந்திரத்திற்கு பக்கத்திலேயே அது இருக்கும். நாம் வாக்களித்து முடித்த உடன் நாம் யாருக்கு வாக்களித்திருக்கிறோம் என்பது அதில் சில நிமிடங்கள் தெரியும்.

தேர்தல்களில் முறைகேடுகள் நடக்காமல் இருக்க இத்தகைய ஏற்பாடுகள் செய்யப்பட்டுள்ளது. இவற்றை நாம் பயன்படுத்திக் கொள்ள வேண்டும்.

வெயில், வேலை, என்று சொல்லிக்கெண்டும், இதனால் எனக்கென்ன நன்மை என்ற அலட்சியப் போக்கிலும் யாரும் ஒதுங்கியிருக்க கூடாது.

இந்த தேர்தலில் யாருக்கு வாக்களிப்பது என்பது  குறித்து தமிழ்நாடு மாநில ஜமாஅத்துல் உலமா சபை ஒரு விரிவான தீர்மாண் அறிக்கையை வெளியிட்டிருக்கிறதும்

இன்றைய சூழலில் அவற்றை நாம் அறிந்து கொள்ள வேண்டியது அவசியம் என்று கருதி அந்த அறிக்கையை அப்படியே இங்கு பதிவு செய்கிறேன்.

இந்தியாவிற்கு நேர்ந்துள்ள பாசிஸ பாஜக வின் அச்சுறுத்தலில் இருந்து நாட்டை காக்க காங்கிரஸ் கட்சி பங்கேற்கும் அணிக்கு வாக்களிக்க தமிழ்நாடு மாநில ஜமாஅத்துல் உலமா சபை கோரிக்கை.

இன்ஷாஅல்லாஹ் 17 வது இந்திய நாடாளுமன்ற மக்களைவைக்கான தேர்தல் ஏப்ரல் மற்றும் மே மாதங்களில் நடைபெறவுள்ளது.

இந்த மக்களைவைத் தேர்தல் இந்திய ஜனநாயகத்தை காப்பாற்றுவதற்கு மக்களுக்கு கிடைத்துள்ள கடைசி வாய்ப்பாகும். கடந்த ஐந்து ஆண்டுகளில் நடைபெற்ற பாஜக அரசு முழுக்க முழுக்க  மக்கள் விரோத அரசாகவே செயல்பட்டது. சுதந்திரம் அடைந்த இந்தியாவில் நடை பெற்றிராத கொடுமைகள் பலவும் இந்த ஐந்தாண்டுகளில் நடைபெற்றுள்ளன.

எந்த வித முன்யோசனையும் இன்றி அமுல் படுத்தப்பட்ட உயர் பணமதிப்பிழப்பு நடவடிக்கையும் , ஜி எஸ் டி அமுலாக்கமும் மிகப்பெரிய அளவில் மக்களின் அடிப்படை வாழ்வாதாரத்தை பாதித்தது. நாடுமுழுக்க ஏராளமான சிறு தொழில்கள் தடம் தெரியாமல் அழிந்து போயின.

(2017 நவம்பர் 8 ம் தேதி இரவு 8 மணியளவில்  திடீரென பிரதமர் மோடி 500 ஆயிரம் ரூபாய் நோட்டுக்கள் செல்லாது என்று அறிவித்தார். நாடு முழுவதும் களோபாரமாகிவிட்டது. தங்களிடமிருந்த பணத்தை மாற்ற முடியாமலும் வரிசையில் நின்ற போது மயங்கி விழுந்தும் நூற்றுக்கணக்கானோர் இறந்தனர். ஒரு இரண்டாயிரம் ரூபாயை பெறுவதற்கு வங்கிகளில் பல மணி நேரம் காத்திருக்க வேண்டியிருந்தது. )

புதிய ஜி எஸ் டி நடட முறைக்கு வந்த பிறகு சாப்பிடுற தோசையிலிருந்து மிஷினரிகள் வரை கட்டணம் திடீரென பெருமடங்கு உயர்ந்து விட்டது. இதில் வியாபாரிகளுக்கு சிக்கல் என்று சொல்லப் பட்டாலும் உண்மையில் பாதிப்படைந்தது பொதுமக்களேயாகும். எந்த இரு பொருளுக்கும் ஏற்கெனவே இருந்த கட்டணத்தோடு. மாநில வரி மத்திய வரி என 28 சதவீதம் வரை செலுத்த வேண்டியததயிற்ற்கு.

இதனால் மக்கள் பெரும் சிரமத்திற்குள்ளான போதும் அரசு இவற்றை கண்டு கொள்ளவே இல்லை. இந்த அரசை தேர்த்தெடுத்ததற்ககக மக்கள் இந்த தண்டனையை பெற்றாகவேண்டியது கடமை என்பது போல அரசு செயல்பட்டது இதற்கு மேல் இன்னும் சில சிரமங்களுக்கு தயாராக இருங்கள் என்று பிரதமர் மோடி கூறினார்.  )

நீட் தேர்வை கட்டாயமாக்கியது ஏழை எளிய மக்களின் மருத்துவ கனவை சிதைத்தது.

இந்திய ஜனநாயகத்தின் அழகுக்கு அடையாளமான வேற்றுமையில் ஒற்றுமை என்ற  பன்முகத்தன்மையை அழித்து, மத, மொழி, இனவாரி சிறுபான்மையினரின் உரிமைகளை பாஜக அரசு பறித்தது.

கல்வி உள்ளிட்ட பல்வேறு துறைகளில் மாநிலங்களின் அதிகாரத்தைப் பறித்து சர்வாதிகார போக்கில் பாஜக அரசு செயல்பட்டது.

ரபேல் போன்ற இராணுவ ஆயுத கொள்முதல்களை அனுபவமற்ற தனியாரிடம் ஒப்படைத்ததன் மூலம் பெருமளவிலான முறைகேடுகளில் மத்திய பாஜக அரசு ஈடுபட்டது. இது சம்பந்தப்பட்ட கோப்புகள் காணாமல் போய்விட்டன என்று மத்திய அரசு ஒப்புக் கொண்டதன் மூலம் தேசப் பாதுகாப்பில் பாஜக அரசின் அக்கறையின்மை வெளிப்பட்டது

சிபிஐ, அமலாக்கத்துறை, தேசிய புலானாய்வு ஏஜென்ஸி (என்.ஐ.ஏ) போன்ற  உயர் அமைப்புகளை தனது அரசியல் சதித்திட்டங்களுக்கு பயன்படுத்தியதன் மூலம் நாட்டின் உயர் சுயச்சார்பு அமைப்புக்களை பாஜக அரசு கேலிக் கூத்தாக்கியது.

சுதந்திர இந்தியாவின் வரலாற்றில் இல்லாத வகையில் உச்சநீதிமன்ற நீதிபதிகள் ஊடகங்களுக்கு முன் தோன்றி இந்திய ஜனநாயகத்திற்கு ஆபத்து நேர்ந்துள்ளதாக அறிவித்த அவலம் பாஜக அரசில் நடைபெற்றது,

காஷ்மீர் மாநிலத்தில் 8 வயது சிறுமி ஆசிபா கூட்டு பலாத்காரத்திற்கு ஆளானதில் நாடே பெரும் அதிர்ச்சிக்குள்ளானது. ஆனால் பாஜக தலைவர்களோ குற்றவாளிகளை பாதுகாக்க போராட்டம் நடத்தினர்.

இந்துத்துவாவின் கொடூரச் செயல்களை துணிந்து எதிர்த்த கல்வியாளர்கள் பத்திரிக்கையாளர்கள் மூட நம்பிக்கைகளை எதிர்த்த சமூக செயல்பாட்டாளர்கள்  பகிரங்கமாக கொலை செய்யப்பட்டனர்.

குஜராத் இனப்படுகொலை வழக்குகள், மக்கா மஸ்ஜித் குண்டு வெடிப்பு ,சம்ஜோதா எக்ஸ்பிரஸ் குண்டு வெடிப்பு முதலிய வழக்குகளில் சம்பந்தப்பட்ட குற்றவாளிகளை பாஜக அரசு தப்பவிட்டது.

இராணுவ விவகாரங்களை கூட பாஜக அரசு அரசியலாக்கியது. காஷ்மீர் மாநிலம் மத்திய அரசின் நேரடி கட்டுப்பாட்டில் இருந்த நிலையில் புல்வாமாவில் நடை பெற்ற கார் வெடிகுண்டு தாக்குதலில் இருந்து நமது பாதுகாப்புபடை வீரர்களை பாதுகாக்க தவறியது. இது ஆளும் பாஜக அரசின் உச்சபட்ச தோல்விக்கு அடையாளமாகும்.

பெட்ரோல் மற்றும் கேஸ் விலை வரலாற்றில் எப்போதும் இல்லாத வகையில் உயர்ந்ததால் நாட்டில் அனைத்து அத்தியாவசியப் பொருட்களின் விலைகளும் கடுமையாக உயர்ந்தன, இது இந்திய மக்களின் கழுத்தை நெறித்துக் கொண்டிருக்கிறது.

சாமானிய மக்களிடமிருந்து வங்கிகள் திரட்டிய பணத்தை நீரவ் மோடி மல்லையா போன்ற பெரும் தொழில் அதிபர்கள் கடனாக பெற்று திருப்பித் தராமல் வெளிநாடுகளுக்கு தப்பிச் செல்ல பாஜக அரசு உதவியது.

துத்துக்குடி ஸ்டெர்லைட் போராட்டத்தில் நடை பெற்ற துப்பாக்கிச் சூட்டில் 13 அப்பாவிகள் கொல்லப் பட்டபோதும், கஜா புயலின் கோரத்தாண்டவத்தில் தமிழகத்தின் டெல்டா மாவட்ட மக்கள் தங்களது வாழ்வாதாரத்தைத் தொலைத்த  வரலாற்று சோகத்திற்கு ஆளானபோதும் இவற்றை பார்வையிடக் கூட பிரதமர் மோடி வரவில்லை. இவற்றில் பாதிக்கப்பட்டோருக்கு இதுவரை எந்த உதவியும் செய்யவில்லை.

அம்பானி, அதானி போன்ற பெரும் தொழில் அதிபர்களை மட்டுமே கவனித்துக் கொண்ட மத்திய பாஜக அரசு ஏராளமான விவசாயிகள் தற்கொலை செய்து கொண்டதை கண்டுகொள்ளவே இல்லை. நாட்டின் தலைநகரில் வரலாறு காணாத வகையில் திரண்ட விவசாயிகள் மிக மோசமான அரசின் அடக்கு முறைகளுக்கு ஆளாயினர்.

இந்திய ஜனநாயகத்தின் நான்காவது தூணான தொலைக்காட்சி மற்றும் பத்திரிக்கை துறைகளை பகிரங்கமாக மத்திய பாஜக அரசு மிரட்டியது , என்டி டிவி போன்ற அரசின் தவறுகளை சுட்டிக்காட்டும் தொலைக்காட்சி சானல்கள் கடும் சோதனைகளுக்கு ஆளாயின. மிரட்டல் – செல்வாக்கு – பணநாயகத்தின் மூலம் நாட்டின் பெரும்பான்மையான ஊடகங்களை மத்திய அரசு தனது ஊதுகுழலாகவே மாற்றியிருக்கிறது.

அனைத்திற்கும் மேலாக பாஜக அரசின் மக்கள் விரோத திட்டங்களையும் செயல்பாடுகளையும் எதிர்ப்பவர்களை தேசவிரோதிகள் என முத்திரை குத்த பாஜக அரசு தொடர்ந்து  முயற்சித்து வருகிறது. பாஜக வின் இந்த பாஸிச போக்கின் விளைவாக  தேசவிரோதிகள் என பகிரங்கமாக அறியப்பட்ட கோட்சே உள்ளிட்ட பலரை தேசாபிமானிகளாக காட்ட அப்பட்டமாக முயற்சிக்கப் படுகிறது. தேசத்தந்தை காந்தியடிகளின் உருவ பொம்மையை துப்பாக்கியால் சுட்டு அதை தீயிட்டுக் கொளுத்தி கோட்சேவை வாழ்த்திக் கோஷமிடும் துணிச்சலை இந்துத்துவ சக்திகள் பெற்றனர், ..

ஒட்டு மொத்தத்தில் இந்திய நாடும் , அரசியல் அமைப்புச் சட்டமும் பாஸிச பாஜக அரசின் பிடியில் சிக்கி மூச்சுத் திணறிக் கொண்டிருக்கிறது. இந்த மக்கள் விரோத மோடி அரசை அகற்றியே தீர வேண்டும் என்று நாடு முழுவதிலும் மக்கள் தீர்மானமாக உள்ளனர். இந்த தேர்தலிலும் பாஜக வென்று விடுமானால் இனி நாட்டில் தேர்தலே நடை பெறாது என ஜனநாயக சக்திகள் அச்சம் தெரிவிக்கின்றனர்.

முஸ்லிம்களின் மீதும் இஸ்லாத்தின் மீதும் தனிப்பட்ட விரோதப்போக்கில் பாஜக அரசு வன்மமாக செயல்பட்டு வருகிறது.

பசுப் பாதுகாப்பு, மாட்டிறைச்சி தடை என்ற பெயரில் நாடுமுழுக்க நடத்தப்பட்ட பயங்கரவாத  படுகொலைகளும் பயங்கரவாதச் செயல்களும்முஸ்லிம்கள் மற்றும் தலித் மக்களிடையே பெரும் அச்சத்தை ஏற்படுத்தின.

பொதுச் சிவில் சட்டத்தை கொண்டு வருவதன் முன்னோட்டமாக கொண்டு வரப்பட்ட  முத்தலாக் தடை சட்ட  விவகாரத்தில் முஸ்லிம்களின் மத நம்பிக்கையின் மீது ஒரு வெளிப்படையான யுத்தத்தை மத்திய பாஜக அரசு தொடர்ந்தது. இரண்டு முறை முத்தலாக் அவசர சட்டம் காலாவதியாகிவிட்ட நிலையில் மூன்றாம் முறையாகவும் அவசர சட்டம் இயற்றி மோடி அரசு தனது அகோர வன்மத்தை வெளிப்படுத்தியது.

அசாம் போன்ற மாநிலங்களில் கொண்டு வரப்பட்ட தேசிய குடியுரிமைச் சட்டத்தின் மூலம் நாட்டின் பூர்வீக குடிமக்களான பல இலட்சம் முஸ்லிம்களை நாடற்றவர்களாக்க பாஜக முயற்சித்தது

முஸ்லிம்களின் அரசியல் அடையாளத்தை அழிக்கும் நோக்கில் நாடாளுமன்றத்திலும் சட்டமன்றங்களிலும் முஸ்லிம் பிரதிநிதிகள் இடம் பெறுவதை தடுப்பதற்கான அனைத்து வகையான முயற்சிகளையும் நேரடியாகவும் மறைமுகமாகவும் பாஜக அரசு மேற்கொண்டு வருகிறது.

பாபரீ மஸ்ஜித் வழக்கில் நீதிமன்ற தீர்ப்பே இறுதியானது என்று வலியுறுத்துவதற்கு பதிலாக, தீர்ப்பு எதுவாக இருந்தாலும் பாபரீ மஸ்ஜித் இடத்தில் இராமர் கோயில் கட்டியே தீருவோம் என இந்துத்துவ வாதிகள் கூறுவதை பாஜக அரசு வேடிக்கை பார்த்து வருகிறது. இது நீதிக்கு செய்யும் துரோகமாகும்.

எனவே  தற்போது மத்தியில் ஆளும் பாஜக அரசு உடனடியாக அகற்றப்பட வேண்டிய ஒரு அபாயமாக உருவெடுத்துள்ளது.

இந்திய தேசத்தை காக்க – இந்திய ஜனநாயகத்தை காக்க – இந்திய அரசியலமைப்புச் சட்டத்தை காக்க - இந்தியாவின் பன்முக கலாச்சாரத்தை காக்க –- விளிம்பு நிலை மக்களின் நலனை காக்க – முஸ்லிம்கள் உள்ளிட்ட  சிறுபான்மையினரின் உயிர் உடமைகளை பாதுகாக்க – உயிரினும் மேலான ஷரீஅத் சட்டத்தின் அடிப்படையில் வாழும் உரிமையை பாதுகாக்க  மத்தியில் ஆட்சி செய்யும் பாஜக அரசை அகற்றுவதற்காக ஓரணியில் நின்று பாடுபடவேண்டியது  அவசியம்.

ஆதலால் தேசிய அளாவில் பாஜகவுக்கு மாற்றாக அமையும் வாய்ப்பும்    வலிமையும்  காங்கிரஸ் கட்சிக்கு மட்டுமே உள்ளதாலும், உதிரிக் கட்சிகளுக்கு வாக்களிளிப்பதால் பாஜகவே பயனடையும் என்பதாலும் தமிழகத்தில்  காங்கிரஸ் கட்சி பங்கேற்றுள்ள கூட்டணியை ஆதரிப்பது என மாநில ஜமாஅத்துல் உலமா தீர்மானிக்கிறது.   

எனவே. தமிழ் நாட்டில் காங்கிரஸ், திமுக, இந்திய யூனியன் முஸ்லிம் லீக், மறுமலர்ச்சி திமுக, விடுதலை சிறுத்தைகள், மார்க்சிஸ்ட் கம்யூனிஸ்ட் கட்சி , இந்திய கம்யூனிஸ்ட் கட்சிகள் உள்ளிட்ட மதச்சார்பற்ற முற்போக்கு கூட்டணி வேட்பாளர்களை வெற்றி பெறச் செய்யுமாறு மக்களை மாநில ஜமாஅத்துல் உலமா சபை அன்புடன் கேட்டுக் கொள்கிறது.

நம்முடைய ஊரில் சில பகுதிகளில் மார்க்சிஸ்ட கட்சியும் சில பகுதிகளில் திமுக வும் போட்டியிடுகின்றன். யார் வேட்பாளர் என்பதை தெளிவாக தெரிந்து கொள்ளுங்கள். குடும்பத்தார்களுக்கும் வேட்பாளர்களின் பெயர்கள் சின்னங்களை சொல்லிக் கொடுங்கள்.  தவறாமல் வாக்களித்து விடுங்கள்.

முஸ்லிம்களுடைய பெரிய முக்கிய கட்சிகள் அமைப்புக்கள் அனைத்தும் இந்த தேர்தலில் காங்கிரஸ் கூட்டணியில் உள்ள கட்சிகளுக்கு வாக்களிக்க ஒன்றிணைந்து முடிவு செய்துள்ள நிலையில் ஒரு சில உதிரி அமைப்புக்கள் இயக்கங்கள் வெவ்வேறு கட்சிகளை ஆதரிக்கின்றன. சமுதாய நலன் நாட்டு நலன் கருதாமல் இயக்க உணர்வில் இத்தகைய கட்சிகளை ஆதரிப்பது பெரும்பாலும் நமது ஓட்டுக்களை வீணடிப்பதாகவே அமையும் என்பதை சிந்தித்து உணர்ந்து கொள்ளுங்கள். பாசிஸ் பாஜக அரசை தோற்கடித்தாக வேண்டிய ஒரு முக்கிய காலகட்டத்தில் நமது ஓட்டு விளையாட்டாகி விடக் கூடாது என்பதில் கவனம் செலுத்த வேண்டியது புத்திசாலிகளின் கடமையாகும்.

இறுதியாக

ஆட்சி அதிகாரத்தை தீர்மாணிப்பவன் அல்லாஹ் மாத்திரமே . தேர்தல் வாக்குப்பதிவு என்பதெல்லாம் ஆட்சி மாற்றத்திற்கான வெளிப்படையான சிறு காரணங்களே

எனவே அல்லாஹ்விடம் மனமுருகி கேட்போம்.

இறைவா!  எங்கள் மீது இரக்கம் காட்டுகிற ஆட்சியாளர்களை தருவாயாக! 

இஸ்லாம் முஸ்லிம்கள் விவாகரங்களில் அனுதாபம் கொண்ட ஆட்சியாளர்களை தருவாயாக!

மக்கள் நலனில் அக்கறை கொண்ட தீவிரவாதச் சிந்தனை யில்லாத ஆட்சியாளர்களை தருவாயாக!

இந்த நாட்டில் இந்துத்துவா என்று சொல்லிக் கொண்டு அதிகார வெறி பிடித்தலைகிறவர்களை இறைவா நீ தோற்கடிப்பாயாக!

என்று தொடர்ந்து பிரார்த்திக் கொண்டே இருப்போம்.

தமிழ் நாடு மாநில ஜமாஅத்துல் உலமாவின் கோரிக்கைப் படி 11 தடவை லா ஹவ்ல வலா குவ்வத இல்லா பில்லாஹில் அலிய்யில் அழீம். என்றும் லாயிலாக இல்லா அந்த சுப்ஹானக் இன்னீ குன் து மினல்லாழிமீன் என்று 11 தடவையும் ஓதி துஆ கேட்போம். வாய்ப்பு வசதியுள்ளவர்கள். திங்கட் கிழமை ஒரு நோன்பு வைக்கவும் ஜமாஅத்துல் உலமா கேட்டுக் கொண்டுள்ளது.

அல்லாஹ் இந்த தேர்தலை மக்களுக்கு நிம்மதி யளிக்கிற தேர்தலாக ஆக்கியருள் புரிவானாக!

.