அறிவுரைகள் அவசியம்.

உலக மக்களுக்கு அறிவுரை சொல்லக் கூடியவர்கள் அவசியம்.

திருக்குர் ஆன் சொல்கிறது. அறிவுரை சொல்லபவர்களும் அவர்களை பின்பற்றுகிறவர்களுமே வெற்றியடைகிறார்கள்.

وَتَوَاصَوْا بِالْحَقِّ وَتَوَاصَوْا بِالصَّبْرِ 

 ஒரு பார்வையில் இது அடிப்படைவாத கருத்தாக பிற்போக்கு சிந்தனையாக தோன்றலாம். .

 எங்களுக்கு எந்த அறிவுரையும் தேவையில்லை என்று வீராப்பாக சொல்லுகிற நவீன உலகம் இது.. அது எவ்வளவு போலித்தனமானது என்பதை கூகுள் நிரூபித்துக் கொண்டிருக்கிறது,

 கூகுளில் தேடுகிறவர்கள் பல சந்தர்பங்களிலும் அதன் அறிவுரைகளுக்கே முக்கியத்துவம் கொடுக்கிறார்கள்.

 இந்த பாதையில் வெளிச்சம் குறைவாக இருக்கிறது  அல்லது டோல் அதிகமாக இருக்கிறது மாற்றாக வேறு பாதையில் செல்லலாம் என்று கூகுள் சொன்னால் மக்கள் அதை பின்பற்றுகிறார்கள்.

 ரசம் வைப்பதிலிருந்து ராத்திரி ரகசியங்கள் வரை கூகுள் காட்டுகிற அறிவுரைக்கு கீழே கட்டுப்பட்டு நிற்கிறது நவீன உலகம்.

 ஒரே ஒரு வித்தியாசம் மனிதர்கள் நேரடியாக அறிவுரை சொன்னால் கிண்டல் செய்கிற நவீன உலகத்தார் இன்ஸ்டா ரீல்கள் சொல்லும் அறிவுரைகளுக்கு செவிமடுக்கிறார்கள்.  இன்ஸ்டா கிராம் ரீல்களில் அறிவுரைகளை தரும் ரீல்களுக்கு அதிக முக்கியத்துவம் கிடைப்பதாக ஆய்வுகள் சொல்லுகின்றன.

 எனவே அறிவுரை என்பது மக்களுக்கு எப்போதும் தேவைப்படக் கூடியது,  

 யார் அறிவுரை சொல்கிறார்கள் எப்படிப்பட்ட அறிவுரை சொல்கிறார்கள் என்பது கவனிக்கப்பட வேண்டியதாகும்.  

 மிஷின்கள் யூகித்து திரட்டிச் சொல்கிற அறிவுரைகளை சிறந்த மனிதர்கள் சொல்கிற அறிவுரைகளே உண்மையில் அதிக பயனளிப்பவை என்று குர் ஆன் கூறுகிறது.

 أُوْلَٰٓئِكَ عَلَىٰ هُدٗى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ 

 இந்த உலகிற்கு அற்புதமான அறிவுரைகளை சொன்னவர்களில் சிறப்பானவர் லுக்மான அலை அவர்கள்.

 அவரது ஒவ்வொரு அறிவுரையும் மனித குலத்திற்கு உன்னதமான நாகரீகத்தை கற்றுத் தரக்கூடியது.

 லுக்மான் அலை கூற்கிறார்கள்

 وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٖ فَخُورٖ  (18)  وَٱقۡصِدۡ فِي مَشۡيِكَ وَٱغۡضُضۡ مِن صَوۡتِكَۚ إِنَّ أَنكَرَ ٱلۡأَصۡوَٰتِ لَصَوۡتُ ٱلۡحَمِيرِ

 மக்களிடம் முகம் சுளிக்காதே

பொதுவாக நாம் சிறந்தவர்கள் என்று நினைப்பதும் தவறுகள் எதையும் செய்பவர்களை துச்சமாக கருதுவதும் மனித இயல்பாகும்.

இது தவிர்க்கப்பட வேண்டும்

ஏனெனில் யாரும் ஒரு சூழ்நிலையில் பாவங்களை செய்து விட வாய்ப்புண்டு

அல்லாஹ்வுக்கு நெருக்கமாக இருந்த இப்லீஸ் லஃனத்துதுல்லாஹி அலைஹி ஆனான்.

பெருமானாருடன் வாக்கிங் செல்கிற அளவில் நெருக்கமாக இருந்த சஃலபா என்ற சஹாபி பிற்காலத்தில் நபியை விட்டு தூரமானார்.

பெரும் பாவிகளாக இருந்தவர்கள் உன்னதமானவர்களாக மாறிவிட வும் வாய்ப்புண்டு.

மாயிஜ் என்ற நபித்தோழர் விபச்சார குற்றத்திற்காக கல்லால் அடித்துக் கொள்ளப்பட்டார். அவருக்கு கிடைத்த பாவ மன்னிப்பை ஊர் மக்கள் அனைவருக்கு பிரித்து கொடுத்தாலும் அது போதுமானதாக இருக்கும் என்று பெருமானார் (ஸல்) அவர்கள் கூறினார்கல்.

لقد تاب توبةً لو تابها أهلُ المدينةِ لقَبِل منهم

 ஒரு இறைநேசர் பயணத்தில் சென்று கொண்டிருந்தார். அந்த வழி பாவி ஒருவன் நடந்து வந்து கொண்டிருந்தான், அந்த பாவியை பார்த்ததும் இறை நேசர் முகம் திருப்பிக் கொண்டார். புறப்படும் போது இந்த பாவியை பார்க்க நேர்ந்து விட்ட்தே என்று அவர் நினைத்தார். அவரை பார்த்த்தும் அந்த பாவியும் வெட்கப்பட்டான். இந்த நல்ல மனிதருடைய பயணத்திற்கு இடையே நாம் குறுக்கே வந்து விட்டோமே என்று வருந்தினான். அவனும் திரும்பி வேறுபக்கமாக சென்று விட்டான்.  

சற்று நேரத்தில் மழை பொழிந்தது.   அல்லாஹ் அந்த இறைநேசருக்கு சொன்னான். அந்த பாவியின் காரணமாகத்தான் மழை பொழிந்தது. அவன் உங்களை மதித்தான்.

எனவே குலத்தால் – ஜாதியால் பணத்தால் மத்தால் – ஏன் பாவம் செய்கிறான் என்பதற்காக கூட ஒருவரை இழிவாக கருதக் கூடாது.

அவரை வெறுத்து ஒதுக்க கூடாது –

இது ஒரு மனிதரை உன்னதமானவராக உயர்த்தும் செய்திலாகும்.

அஹ்மதுல் கபீர் அர்ரிபாயிய்யி ரஹ் இறை நேசர்களில் தனித்துவம் பெற்றவர் – கவுரவம் மிக்கவர் ஒரு யூதன் அவரை இழிவு படுத்த நினைத்து ஒரு கேள்வி கேட்டான்.

سال يهودي عند احمد الكبير الرفاعي

هل انت افضل ام الكلب ؟

இந்த கேள்வி நம்மிடம் கேட்கப்பட்டல் நாம் எவ்வளவு கோபமடைவொம் ஆனால் ஜுனைது பக்தாதி ரஹி மிக அமைதியாக சொன்னார்கள்

நான் சிராத்துல் முஸ்தகீம் பாலத்தை கடந்து விட்டால் நானே சிறந்தவன்.

إن نجوت علي الصراط فانا افضل

فاسلم اليهودي

பிறரை இழிவாக கருதாத இயல்புதான் இத்தகைய உயர்ந்த பக்குவத்தை நமக்கு தரும்.

இன்றைய நவீன் தலைமைத்துவ பயிற்று விற்பாளர்கள் உயர் அதிகாரிகளுக்கு சொல்கிற அறிவுரை இது நீங்கள் உங்களுக்கு கீழே இருப்பவர்களை சாமாணியமாக நினைக்காதீர்கள் . எடை போடாதீர்கள். ஒரு நாள் அவர்கள் இல்லை என்றால் உங்களது நிலை என்னவாகும் என்று எண்ணிப்பாருங்கள். அப்போது அவர்களின் மரியாதை புரியும் என்பார்கள்.

ஒரு குப்பை அள்ளுபவன் ஒரு நாள் விடுமுறை எடுத்துக் கொண்டால் ஊரே நாற்றமெடுத்து விடும். ஒரு பியூன் ஒரு நாள் வரவில்லை எனில் அலுலகமே தடுமாறும் இல்லையா ?

அதை யோசித்துப்பார்த்தால் எவரையும் தரக்குறைவாக முகச்சுளிப்போடு பார்க்க தோன்றாது.

அபூதாவூதில் ஒரு ஹதீஸில் பெருமானார் (ஸல்) கூறுவார்கள்/

பலவீன்மானவர்களை இழிவாக கருதி விடாதீர்கள் உங்களில் சாமாணியமானவர்களுக்காகத்த்தான் உங்களுக்கு செல்வம் வழங்கப்பட்டுள்லது.

فإنَّما تُرزَقونَ وتُنصَرونَ بضُعفائِكُم

 அல்லாஹ் நம்மை பக்குவப்படுத்துவானாக!

தற்பெறுமையை வெளிப்படுத்தாதே

இரண்டாவதாக லுக்மான் அலை கூறினார்கள்

وَلَا تَمۡشِ فِي ٱلۡأَرۡضِ مَرَحًاۖ

மக்கள் தங்களது பண வசதி அதிகார செல்வாக்கு ஆகியவற்றை நடையில் வெளிப்படுத்துவார்கள்.

தரை உரச ஆடை அணிவது

பெருமானார் அதை தடுத்தார்கள்.

وإياك وإسبال الإزار فإنها من المخيلة ، والمخيلة لا يحبها الله " 

பொதுச் சபைகளில் விஐபி மரியாதையை எதிர்பார்ப்பது.

தோற்றத்திலேயே ஆணவத்தை வெளிப்படுத்தும் பகட்டு காட்டுவது பட்டோபடம் செய்வது ஆகியவை அனைத்தும் தவிர்க்கப் பட வேண்டும்.

இப்போதும் கூட சிலர் இப்படி நடப்பதுண்டு.

ஆவர்கள் புரிந்து கொள்ள வேண்டும். அவர்களை விட பெரியவர்கள் இருப்பார்கள் அத்தகையோர் இவர்களிடம் இப்படி நடந்து கொண்டால் எப்படி இருக்கும் என்று யோசிக்க வேண்டும்.

திருக்குர் ஆன் எச்சரிக்கிறது.

إِنَّ اللَّهَ لَا يُحِبُّ كُلَّ مُخْتَالٍ فَخُورٍ 

مُخْتَالٍ فَخُورٍ என்றால் தம்பட்டம் அடித்துக் கொள்ளக் கூடிய பெருமைக் காரன் என்று பொருள்

நவீன் தலைத்து பன்பு பயிற்று விப்பாளர்கள் கூறுகிறார்கள். உன்னுடைய பெருமையை நீ சொல்லிக் கொண்டிருக்காதே! மற்றவர்களே அதை உணர்ந்து கொள்ல விட்டு விடு. உன்னுடைய பெருமை உனக்கு உண்மையாகவே இருக்குமானால் அதற்கு விளம்பரம் தேவையில்லை. இல்லாத பெருமையை பேசிக்கொண்டிப்பாயானல் அதில் பின்னால் நீ தான் கேலிக்கு ஆளாவாய்.

பிறரின் கேலிக்கு மட்டுமல்ல அல்லாஹ்வின் கோபத்திற்கும் ஆளாக வேண்டியதாகும் என்று குர் ஆன் எச்சரிக்கிறது.

நிதானமாக நட!

லுக்மான் அலை அவர்கள் அடுத்து கூறுகிறார்கள்

وَاقْصِدْ فِي مَشْيِكَ

 மனம் தளர்ந்தவர்களைப் போல ரொம்ப மெதுவாக ஊர்ந்து செல்லாதீர்கள், நரிகளை போல  போல குதிக்கவும் செய்யாதீர்கள் .

 குதித்துக் கொண்டு நடப்பதை தவிர்க்க பெருமானார் அறிவுறுத்தினார்கள்.

وقال رسول الله صلى الله عليه وسلم : سرعة المشي تذهب بهاء المؤمن 

 நோயாளியை போல மெதுவாக நடக்கவும் கூடாது, குதித்துக் கொண்டே நடக்கவும் கூடாது. நிதானமாக நடக்க வேண்டும்.

ஆனால் அது விரைவான நடையாக இருக்க வேண்டும்.

روي عنه عليه السلام أنه كان إذا مشى أسرع ، وقول عائشة في عمر رضي الله عنهما : كان إذا مشى أسرع 

 

தற்காலத்தில் தலைவர்களுக்கு நடை உடை பாவனைகளை கற்றுக் கொடுப்பவர்கள் இந்த அறிவுரையை சொல்கீறார்கள் .

மிடுக்காத விரைவாக நடக்க வேண்டும்.

 ஒரு இண்டர்வுயூவிக்கு செல்கிற போது ஒரு உரையாற்ற செல்கிற போது அந்த நடையே மக்களுக்க் உங்கள் மீது பாதி நம்பிக்கையை தந்து விடும் என்கிறார்கள்.

 லுக்மான் அலை அடுத்து ஒரு நாகரீகத்தை கற்றுத்தருகிறார்கள்.

 وَاغْضُضْ مِن صَوْتِكَ ۚ إِنَّ أَنكَرَ الْأَصْوَاتِ لَصَوْتُ الْحَمِيرِ (19)

 உங்களது சப்தத்தை குறைத்துக் கொள்ளுங்கள். லோ வால்யூம். அதாவது தேவையான அளவு சப்தம் உயர்த்தினால் போதும், எச்சரிப்பதாக இருந்தாலும்.  

 காட்டு கூச்சல் போடாதீர்கள், அடக்கமாக பேசுங்கள்

 பாங்கு உயர்ந்த சப்த்த்தில் சொல்லப்பட வேண்டும் தான். ஆனால் அதிலும் கூட கூச்சல் போடக் கூடாது.

 அபூ மஹ்தூரா ரலி மிக சப்தமாக பாங்கு சொன்ன போது உமர் ரலி அவர்கள் அவரிடம் கூறினார்கள்

 وقد قال عمر لمؤذن تكلف رفع الأذان بأكثر من طاقته : لقد خشيت أن ينشق مريطاؤك ! 

 உன் அடி வயிறு பிளந்து விடும் என்று நான் பயந்து விட்டேன்.

 சிலருக்கு உரத்து பேசினால் தான் பேசியது போல இருக்கும். அது தேவையில்லை என்று இந்த அறிவுரை கூறுகிறது.

 வீட்டில். பொது இடங்களில், குறிப்பாக பள்ளிவாசல்கலில் அதிக சப்த்த்தோடு பேசுவதை சில அதிகாரம் என்று கருதலாம். அப்படி நினைப்பவர்களுக்கு  இறைவன் எப்படி  உணர்த்துகிறான் பாருங்கள்

 إِنَّ أَنكَرَ الْأَصْوَاتِ لَصَوْتُ الْحَمِيرِ (19)

இதன் கருத்து கழுதையாகி விடாதீர்கள் என்பதாகும்.

 பொதுவாக அரபுகளின் வழக்கத்தில் கழுதை என்ற வார்த்தையை பொது இடங்களில் பயன்படுத்த மட்டார்கள்

 الطويل الأذنين  என்று கூறுவார்கள்.

 அல்லாஹ் அதை பொதுச் சபையில் கூறுகிறான் என்றால் உரத்து குரல் எழுப்புவது எவ்வளவு கீழ்த்தரமான இயல்பு என்று காட்டுகிறது.

 எனவே  நாகரீக மனிதனுக்கு லுக்மான் அலை அவர்கள் கற்பிக்கிறார்கள். வீட்டில் – பொது இடங்களில் காட்டுத்தனமாக சப்தமிடாதீர்கள்.

 இன்றைய தலைமைத்துவ பயிற்று விற்பாளர்களும் கூட இதையே கூறுகிறார்கள்.

 நீங்கள் காட்டு கத்து கத்துபவர்களாக இருந்தால் உங்களுக்கு கீழே இருப்பவர்கள் உங்களை மரியாதையாக நினைக்க மாட்டாரக்ள். கழுதை என்ரு தான் நினைப்பார்கள்.

 அதனால் உங்களது மகிழ்ழிய்யையும்  கோபத்தை காட்ட காட்டு கத்துவது சிறந்தவழியல்ல  நிதானமாக சப்த்ததில் பேசுவதே நாகரீகமாகும்.

 லுக்மான் அலை அவர்களின் இந்த நாலு அறிவுரைகளும் ஒரு ஜெண்டிலான தலைமை பண்பின் இயல்புகள் என்பதை சிந்தித்துப் பார்க்கிற போது நாம் உணர்து கொள்ளலாம்.

 இவற்றை இன்றைய நடைமுறைக்கு  நாம் இண்ஸ்டா ரீலாக எடுத்துக் கொள்ளலாம்.

 நம்முடைய வாழ்வு சிறக்கும்.   

 அல்லாஹ் தவ்பிக் செய்வானாக

 (மக்கா முகர்ரமாவின் அரீஜ் அல் வபா விடுதி அறை எண் 402 லிருந்து) )