பர்தா ஏன் பிரச்சனையாக்கப்படுகிறது.

முஸ்லிம் பெண்கள் அன்னிய ஆண்களின் முன்னிலையில் பர்தா அணிந்து கொள்ள  வேண்டும் என இஸ்லாம் உத்தரவிடுகிறது.

﴿يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ﴾59 من سورة الأحزاب : 

சொந்தமாக இல்லை என்றால் இரவலாகவேனும் அணியட்டும்.

عن أم عطية رضي الله عنها قالت: أمرنا رسول الله ﷺ أن نخرجهن في الفطر والأضحى، العواتق، والحُيَّض، وذوات الخدور، أمَّا الحيض فيعتزلن الصلاة ويشهدن الخير ودعوة المسلمين، قلت: يا رسول الله! إحدانا لا يكون لها جلباب؟ قال: لتلبسها أختها من جلبابها.

ஹிஜாப் என்பது பாதுகாப்பு

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ﴾  فَلَا يُؤْذَيْنَ﴾

ஹிஜாப் என்பது பரிசுத்தம்

الحجاب طهارة : يقول الله تعالى : ﴿وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ﴾

ஹிஜாப் என்பது ஈமானிய குணம்

الحجاب من الإيمان : لأن الله لم يخاطب بالحجاب إلا المؤمنات، ﴿وَقُل لِّلْمُؤْمِنَاتِ﴾ . ولما دخل نسوة من بني تميم على أم المؤمنين عائشة رضي الله عنها، عليهن ثياب رِقاق، قالت: «إن كنتن مؤمنات فليس هذا بلباس المؤمنات ، وإن كنتن غير مؤمناتٍ فتمتعن به»

 ஹிஜாபின்றி பெண்கள் அன்னிய ஆண்களின் முன்னே செல்வதை இஸ்லாம் அறியாமைக்கால பகட்டு என்று சாடுகிறது.

 يقول النبي محمد : «صنفان من أهل النار لم أرهما: رجال بأيديهم سياط يضربون بها الناس ، ونساء كاسيات عاريات مائلات مميلات رؤوسهن مثل أسنمة البخت المائلة، لا يدخلن الجنة ولا يجدن ريحها»

 يقول النبي محمد:  شر نسائكم المتبرجات المتخيِّلات , وهن المنافقات , لا يدخلن الجنةَ منهن إلا مثلُ الغراب الأعصم»

அது ஆபாசத்தை பரப்பும் வழி என்று குர் ஆன் எச்சரிக்கிறது.

 إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ﴾

 பெண்கள் எதை மறைக்க வேண்டும் தெளிவான வழிகாட்டுதல். குழப்பம் எதிலும் இல்லை. சூழ்நிலை பெண்களுக்கு பாதுகாப்பானதாக இல்லை என்றால் ஹனபி மத்ஹபின் படியும் முகத்தை மறைத்தே ஆகவேண்டும்.

 அல்பிகுஹு அலல் மதாஹிபில் அர்பா வில்

 قال الجزيري:^[]«عورة المرأة عند الشافعية والحنابلة جميع بدنها، ولا يصح لها أن تكشف أي جزء من جسدها أمام الرجال الأجانب، إلا إذا دعت لذلك ضرورة كالطبيب المعالج، والخاطب للزواج، والشهادة أمام القضاء، والمعاملة في حالة البيع والشراء، فيجوز أن تكشف وجهها و كفيها. وعورة المرأة عند الحنفية والمالكية جميع بدن المرأة إلا الوجه والكفين، فيباح للمرأة أن تكشف وجهها وكفيها في الطرقات، وأمام الرجال الأجانب. ولكنهم قيدوا هذه الإباحة بشرط أمن الفتنة. أما إذا كان كشف الوجه واليدين يثير الفتنة لجمالها الطبيعي، أو لما فيهما من الزينة كالأصباغ و المساحيق التي توضع عادة للتجمل أنواع الحلي فإنه يجب سترهما

பர்தா விவகாரத்தில் இஸ்லாமிய வழிகாட்டுதல் என்ன என்பதற்கு இதற்கே மேல் வழிகாட்டுதல்கள் தேவையில்லை என்பதே காலகாலமாக முஸ்லிம் உம்மத் கடைபிடித்து வருகிற நடைமுறையாகும்

 இந்தியாவிலோ அல்லது மற்ற எந்த நாடுகளிலுமோ உள்ள உயர்நீதிமன்றங்கள் உச்சநீதிமன்றங்கள் இதற்கு மேல் விளக்கம் சொல்லத் தேவையில்லை.

 கர்நாடக மாநிலத்தில் உடுப்பியில் உள்ள ஒரு பள்ளிக்கூடத்தில் 6 பெண்கள் ஹிஜாப் அணிந்து சென்ற போது தடுக்கப் பட்டார்கள். அவர்கள் தனியறையில் அமர வைக்கப் பட்டார்கள்.

அந்தப் பள்ளிக்கூட்த்தின்  நிர்வாக குழுவில் ஆளும் பாஜக பிரமுகர் ஒருவர் இருந்தார். அவரே இந்த தடையுத்தரவுக்கு காரணம் .

 அதன் பிறகு உடுப்பியிலிருந்த ஒரு அரசு கல்லூரியில் பர்தா அணிந்து வந்த பெண்களை அக்கல்லூரியின் முதல்வரே வாசலில் தடுத்து கேட்டை பூட்டினார்.

 அதன் பிறகு கடந்த வியாழன் அன்று மாண்டியாவிலுள்ள ஒரு கல்லூரிக்கு பர்தா அணிந்து வந்த பி காம் இரண்டாம் வகுப்பு மாணவியான பீபி முஸ்கான் கானை வழி மறித்தும் எதிர்த்தும் காவித் துண்டு அணிந்த மாணவர்கள் என்ற போர்வையில் சிலர் ஜெய்ஷிரீ ராம் கோஷமிட்டு அச்சுறுத்த முய்றச்சி செய்தனர். ஒரு கட்டத்தில் அந்த இளம் பெண் அவர்களை தன்னந்தனியாக எதிர்த்து அல்லாஹ் அக்பர் என்று கோஷமிட்டார். அவரை கல்லூரி ஆசிரியர்கள் பாதுகாப்பாக கல்லூரிக்கி அழைத்துச் சென்றனர்.

 இது மிகப்பெரிய செய்தியாக இன்று உலகம் முழுவதிலும் பேசப்படுகிறது. புர்கா அணிந்த நிலையில் கையை உயர்த்தி நிற்கும் முஸ்கான் கானின் புகைப்படம் இப்போது உலக போஸ்டர் புகைப்படமாக மாறியிருக்கிறது. அந்தப் பெண்மணிக்கு பலர் விருதுகளையும் பரிசுகளை அறிவித்துள்ளனர். நாடாளுமன்றம் உள்ளிட்ட பல அவைகளிலும் அவரது பெயர் நினைவு கூறப்படுகிறது.

 உலக முஸ்லிம் சமுதாயமும் அதை கொண்டாடி வருகிறது.

 இதில் முஸ்லிம்கள் அறிந்து கொள்ள வேண்டிய ஒரு முக்கியமான  பாடம் என்ன வெனில்

 ஆட்சியதிகாரம் தமது கையில் இருப்பதால் நமது நாட்டில் இந்துத்துவ சக்திகள் எந்நேரமும் எதாவது ஒரு வகையில் முஸ்லிம்களை அச்சுறுத்துவதற்கு முயற்ச் செய்து கொண்டே இருப்பார்கள். அந்த நேரத்தில் அதை முழு தீரத்தோடு எதிர்க்க வேண்டும்.  அச்சப்படக் கூடாது. நடுங்கி நிற்கக் கூடாது. நமது தரப்பில் அநீதி எதுவும் இல்லை என்றால் உலகம் நம் பக்கமே நிற்கும். அல்லாஹ்வின் உதவியும் நிச்சயம் கிடைக்கும்.

 தம்மை சுற்றி வெறியூட்டப்பட்ட ஆணகள் கூக்குரலிட்ட போது அதை எதிர்த்து அல்லாஹ் அக்பர் என்று முஸ்கான் குரல் எழுப்பியதே சரியான ஜிஹாதாகும்.

 عَنْ أبي سعيدٍ الخدري - رضي الله عنه- عنِ النَّبي صلَّى اللهُ عليه وسلَّم قال: «أفضلُ الجهادِ كلمةُ عدلٍ عند سلطان جائرٍ" رواه أبو داود،

நமது உரிமையை விட்டுக் கொடுக்காமல் போராடும் இயல்பும் எப்போதும் நம்மிடம் இருக்க வேண்டும் என்பதை தான் பெருமானார் (ஸல்) அவர்கள் இப்படிக் கூறினார்கள்.

 

 أن النبي صلى الله عليه وسلم قال الخيل معقود في نواصيها الخير إلى يوم القيامة 

 இந்த ஹதீஸுக்கு இமாம் புகாரி ரஹ் அவர்கள்

 باب الجهاد ماض

 என்று தலைப்பிட்டுள்ளார்கள். இதன் பொருள்   أنَّ الجهادَ باقٍ إلى قِيامِ السَّاعةِ. இதன் கருத்து தங்களது உரிமைகளை நிலைநாட்டிக் கொள்ள எப்போதும் ஜிஹாதிய உணர்வை தக்க வைத்திருக்க வேண்டும் என்பதாகும்.

 சகோதரி முஸ்கான் மூலம் முஸ்லிம் உலகிற்கு இதை சரியாக அல்லாஹ் உணர்த்தியுள்ளான்.  

 இந்த விவகாரத்தில் அடுத்த்தாக முஸ்லிம் சமுதாயம் கவனம் செலுத்த வேண்டியது.

 ஆர்ப்பாட்டங்களில் அல்ல.

 என்ன திட்ட்த்தோடு இந்த விவாகாரத்தை கையில் எடுத்திருக்கிறார்கள் என்பதை சரியாக சிந்திக்க வேண்டும்.

 முஸ்லிம் பெண்கள் பர்தா அணிந்து வருவது என்பது ஆயிரமாயிரமாண்டு பழக்கம்.

நமது நாட்டில் முஸ்லிம் பெண்களுக்காகவே கோஷா ஹாஸ்பிடல் கோஷா பார்க்குகள் கூட உண்டு.

 இந்தியாவின் பிரபலமான 5 மாநிலங்களில் தேர்தல் நெருங்கி வருகிறது. குறிப்பாக உத்தரப் பிரதேசத்தில் நேற்று முதல் 7 கட்டங்களாக தேர்தல் நடந்து கொண்டிருக்கிறது. இதில் ஒரு இந்துத்துவ அலையை உருவாக்கும் திட்ட்த்திலேயே இந்த பர்தா விவகாரத்தை மிகப்பெரிய அளவில் பாஜக மீடியாக்கள் தூக்கிப் பிடிக்கின்றனர்.

 சகோதரி முஸ்கானை பார்க்கையில் முஸ்லிம்களுக்கு இஸ்லாமிய உணர்வு மேலிடுவது போல  அதன் எதிர் திசையில் இதைப் பிடிக்காத ஹிந்த்துக்களுக்கு இந்து உணர்வு மேலிடும் என பாஜக கணக்குப் போடுகிறது.

 நாட்டிற்குள் தொடர்ந்து வெறுப்புணர்வை சூடாகே வைத்திருக்கும் பாஜகவின் ஒரு திட்டமே இது என்று ஹைதராபாத் நாடாளுமன்ற உறுப்பினர் அஸதுத்தீன் உவைசி கூறியிருப்பது மிகச் சரியானது.

 முஸ்லிம்கள் இதை சரியாக புரிந்து கொள்ள வேண்டும். ஒரு ஊரில் உருவாக்கப் பட்டிருக்கிற பிரச்சனையை சமூக ஊடங்களால் ஏற்படும் வேகத்திற்கு பலியாகி நாமே நாடு முழுவதிலும் கொண்டு செல்லவேண்டுமா என்பதை யோசிக்க வேண்டும்.

 எதிரிகளின் முதல் திட்டம் வெறுப்புணரவை மேலும் அதிகரிக்கச் செய்வது.

 சில இளைஞர்கள் வெளியிட்ட கவலை மிக முக்கியமாக கவனிக்கத் தக்கது.

 பாஜக இந்த உணர்வை பள்ளி கல்லூரி மாணவர்கள் மத்தியில் உருவாக்கி வருகிறது. அதற்கு மாணவர்கள் பலியாகிவருகிறார்கள்

 எதிரிகளின் இரண்டாவது திட்டம்

 காவிக்கும் இடமில்லை புர்காவுக்கும் இடமில்லை என்று நீதிமன்றங்கள் மூலம் சட்டம் போடுவது.

 கர்நாடக அமைச்சர் ஒருவர் நடந்தது என்ன என்பதை வஞசகமாக மறைத்து ஒன்றும் தெரியாதவர் போல் இப்படி பேசியிருப்பது பத்ரிகைகளில் வெளியானது.

 முஸ்லிம் பெண்கள் பர்தா அணிந்து வருவது வழமையானது. ஆனால் இந்து மாணவர்கள் காவித் துண்டு அணிந்து வருவது திட்டமிட்ட ஒரு வன்முறை நடவடிக்கை.

 அஸதுத்தீன் உவைசி அருமையாக கேட்டார்

 எனது மகளுக்கு நான் பர்தா அணிவித்து அனுப்புகிறேன். இந்து மாணவர்களுக்கு காவி துண்டு அணிவித்தது யார் ? விசாரித்துச் சொல்லுங்கள்!     

 இன்கே கண்டிக்கப் பட வேண்டியது. பர்தா அணிந்து வந்த பெண்ணிற்கு எதிராக ஒன்று திரண்டு கோஷமிட்டு அச்சுறுத்தியது . அதற்கு மதச்சாயம் பூசி ஜெய்ஷிரி ராம் கோஷமிட்டது.

 கர்நாடக அரசு வன்முறையில் ஈடுபட்டவர்களுக்கு எதிராக நடவடிக்கையில் இறங்கவில்லை.

 மாறாக கர்நாடக அரசு நீதிமன்றத்தில் பர்தாவுக்கு எதிராக வழக்காடி வருகிறது.

 பர்தா அணிய தடை விதிக்கப்பட்டு கல்விக் கூட்த்தில் அனுமதி மறுக்கப் பட்ட மாணவிகள் சார்பாக கர்நாடக உயர்நீதிமன்றத்தில் வழக்கு தொடரப்பட்டுள்ளது. பர்தா இந்திய மகளிரின் அடிப்படை உரிமை, தேர்வுக்கு இன்னும் இரண்டு மாதங்களே உள்ள நிலையில் மாணவிகளை உடனடியாக பர்தாவுடன் அனுமதிக்குமாறு பெற்றோர்கள் தரப்பில் கோரிக்கை வைக்கப்பட்டுள்ள நிலையில் கர்நாடக உயர் நீதிமன்றம் அந்த கோரிக்கையை ஏற்க மறுத்துவிட்டது.

 ஆனால் இந்த விவாகரத்தை அதிகப்படியான நீதிபதிகள் கொண்ட பெஞ்சு விசாரிக்கும் என்று நீதிபதி தீட்சித் கிருஷ்னா  கூறிவிட்டார்.

 இந்த விவகாரத்த்தில் கர்நாடக உயர்நீதிமன்ற த்தில் கர்நாடக அரசு முன் வைத்த முதல் வாதம் மோசடித்தனமானது.

 முஸ்லிம் பெண்கல் பர்தா அணிந்திருக்க வேண்டும் என்பது சம்யக்கட்டாயமல்ல. அது ஒரு வழக்கம் தான் என்று அது வாதாடியது.

 நீதிமன்றத்தின் நடை பெறும் இந்த வழக்கு இப்போதைக்கு முக்கியமாக கவனிக்கத்தக்கது.

 பர்தா என்ன அது எந்த அளவில் அவசியம் என்பதை முஸ்லிம் பெண்களுக்கு இஸ்லாம் மிகத் தெளிவகவே அறிவுறுத்தியிருக்கிறது. நீதிமன்றங்களோ அரசுகளோ அதில் புதிய விளக்கம் எதையும் சொல்லத் தேவையில்லை.

 பர்தா விவகாரத்தில் இப்போதைக்கு பிரச்சனையை கிளப்பியது யார் ? நாட்டிற்குள் அமைதியின்மையை உருவாக்கியது யார் ? அவர்களுக்கு என்ன தண்டனை வழங்குவது என்று முடிவு செய்ய வேண்டியதே இப்போதைக்கு நீதிமன்றங்கள் செய்ய வேண்டிய பணியாகும்.

 தங்களது கடமை மறந்து “காவியும் கூடாது. பர்தாவும் கூடாது என்று நீதிமன்றம் தீர்ப்பு வழங்கலாம் என்றே பலரும் நினைக்கிறார்கள். அவ்வாறு நிகழுமானால் பர்தாவை தடுப்பதற்கு பாஜக நடத்தும் குள்ளநரித்தன நாடகத்திற்கு நீதிமன்றங்கள் துணை போய்விட்டன என்றே அர்த்தமாகும்.  

 இப்படி ஒரு விபத்து நிகழாமல் தடுத்து முஸ்லிம்கள் தங்களது அடிப்படை உரிமையை நிலை நாட்டிக் கொள்ள நீதிமன்றங்களில் சரியான கவனத்தை செலுத்துவதே இன்றைய முக்கியத் தேவையாகும்.

 முஸ்கான் பயங்கரவாத இளைஞர்களின் முன்னிலையில் போராடினார். சமுதாயம் நீதிமன்றத்தில் போராடட்டும்.

கிருத்துவர்களிடம் வெறுப்புணர்வை விதைக்கும் முகமாக பிரான்ஸ் அரசு முஸ்லிம்  பெண்கள் நிகாப் எனும் முகத்திரை அணிவரை தடை செய்த்து. பிரான்ஸில் பர்தா அணிந்து சென்ற பெண் கத்திக் குத்துக்கு ஆளானார். நிகாப் அணிந்த்தற்காக முஸ்லிம் பெண்களுக்கு அபராதம் விதிக்கப்பட்ட்து. இப்போது அல்லாஹ் எல்லோரையும் முகத்திரை அணியச் செய்துவிட்டான். மருத்துவர்களும் கொரோனா பணியாளர்களும் இப்போது முழு பர்தா அணிந்து தான் பணி செய்கிறார்கள். மாஸ்க் அணிந்து ஈபில் டவருக்கு கீழ் நிற்கிற ஒரு பெண்ணின் புகைப்பட்த்தை சமீபத்தில் ஓரு ஆங்லப்பத்ரிகை வெளியிட்டிருந்த்து. அது அர்த்தம் நிறைந்த்து.

முஸ்தபா கமால் போன்ற பல முஸ்லிம்களே கூட பர்தாவுக்கு எதிராக தங்ளது அதிகாரத்தை பயன்படுத்தி யிருக்கிறர்கள். வரலாறு என்ன காட்டுகிறது என்றால் அத்தகையோர் தோல்வியை சந்தித்திருக்கீறார்கள்

ஏனெனில் பர்தா என்பது பெண்களின் உரிமைகளையும் உடலையும் கண்ணியத்தையும் பாதுகாப்பதற்கான ஆடை .அறிவுள்ளவர்கள் இதை புரிந்து கொள்ள அதிக காலம் பிடிக்காது.

 அல்லாஹ் தவ்பீக் செய்வானாக!